اذا تظن القلب مبسـوط غلطـان
تعال وشوف القلب عقبـك يعانـي
اذا اتصلـت وقـال لا يمكـن الان
نأسف .. وحاول تتصل وقت ثانـي
تشوف دمعي هاملٍ فوق الاوجـان
يعلمـك وشلـون سـوى زمانـي
ما عاد ادور لي ربـوع ٍ وخـلان
يكفيني اللي من المخاليـق جانـي
يكفيك حالي يا منى الروح برهـان
لـدي عشـان الحـب ولا عشانـي
ولا عشان اللي امرنـا بالاحسـان
خليني افـرح فـي حياتـي ثوانـي
واللي خلقك انسان اني انا انسـان
مثلك احس ولـي عيـون واذانـي
ماني شديد الباس ولانـي بليـان
كـذا كـذا يـا عـود يالخيزرانـي
افقر عباد الله فـي عـز سلطـان
متواضعٍ لـو شـدك اقـوى بيانـي
امسي على ويلات حزني والاشجان
واصبح ولا كنّي من الهـم اعانـي
اضحك لوقتي لـو تـردى ولا زان
متفائلٍ بالوقـت لـو هـو جفانـي
لكن ما احب الكذب لو كان ما كان
حتى لـو ظروفـي عليـه تحدانـي
درب المجامـل درب ذلٍ وحقـران
وارفض يصرح بالمجامـل لسانـي
يا خوخ يا تفـاح يـا ورد رمـان
يا مسك يا عنبـر ويـا زعفرانـي
يا بهجة النفس الهنيـه وعنـوان
سعـادة الانفـس فبحـر الامانـي
انتي حرير الارض والغيـر كتـان
وانتي ربيع العمر واجمـل معانـي
وانتي صباح العيد بعيون بـزران
وانتي مساء الوصل واعذب اغانـي
وانتي لحن مـا الفـه كـل فنـان
يعجز يعزفـك عودهـم والكمانـي
انتي جمال الخلق في شكل انسان
وانـا بشـر لكـن حبـك بـلانـي
يعني تراني عقب فرقـاك قبطـان
مضيع مرافـي مركبـه والموانـي
لكن قصيدي لا تعزويـت بطـران
واجزل حروفـي لا تمنيـت جانـي
يلقى بقربي كل عطـفٍ وتحنـان
وارفع مقامه عـن دروب الهوانـي
وانا وقصيدي في المهمات اخوان
واذا عدلـت بـدرب شيـنٍ نهانـي
صحبة نقا في مرتع الخير يا فلان
واعطيه من عيني ولو ما عطانـي
مترفعٍ عن كـل جاهـل وخـوان
والحمد للـي مـا خلقنـي انانـي
منقول